قصة سيدناعمر و بائعة اللبن
كان ياما كان يا سعد يا إكرام
ما يحلى الكلام إلا بذكر النبي عليه الصلاة والسلام
(وهنا علمى أطفالك دايما إنهم يقولوا مثلك:عليه الصلاة والسلام)
كان فى رجل عظيم جدا اسمه سيدنا عمر بن الخطاب..سيدنا عمر بن الخطاب كان صاحب النبي صلى الله عليه وسلم وكان الرسول بيحبه جدا
وكان سيدنا عمر بن الخطاب مرة ماشى فى الشارع...فسمع واحدة ست وهى فى بيتها بتقول لبنتها..ياله يا بنتى...اخلطى اللبن بالماء..
عارفين يعني ايه يا حبايبي؟؟
يعني مش احنا بنروح نشترى لبن من عمو؟؟
طيب عمو بيبع لنا اللبن..لكن الست كانت عاوزة بنتها تحط مياة مع اللبن والناس لما ييجوا يشتروا منها ميعرفوش إنها حطت عليه ميه..
يعني هى كده بتغش اللبن
يا ترى البنت عملت زى ما مامتها قالت لها؟؟
البنت قالت لمامتها..لا يا ماما...حرام..مينفعش يا ماما..
راحت مامتها قالت لها..متخفيش يا بنتى...سيدنا عمر بن الخطاب مش حيشوفنا...
راحت بنتها قالت لها..صح يا ماما...سيدنا عمر مش حيشوفنا لكن ربنا حيشوفنا..
...وسعاتها مامتها عرفت إن اللى كانت عاوزة تعمله غلط..وأكــــبر غلط إنها تغش فى اللبن لأن ربنا لا يحب الغش أبدا
ولا يحب الغشاشين..
علشان كده يا حبايبى لازم منغشش أبدا فى اى شئ ونعمل كل حاجة ترضى ربنا علشان ربنا يحبنا ويدخلنا الجنة..]