طرق متعددة لطبخ اجزاء الدجاج

الفرخه كامله نققطع كل جزء لوحده يعنى النصف اللى فوق
واكيد هو الصدر طبعا
بخلى الصدر بالطريقه العاديه
وشيل كيس صدور بانيه متتبله فى التلاجه
وعلى الديب فريزر للبانيه العادى اللى بالطريقه االعاديه

برضه بشيل بانيه تانى متتبل لطريقه تانيه اسمها تشيكن رولز وبحشيها خضار وجبنه موتزاريلاا
وبغمسها فى البيض والبقسماط وبحمرها فى الزيت

والطريقه بالتفصيل الممل فى الرابط ده يا حلويين
تشكن رولز
http://forums.fatakat.com/thread1645883

ويبقى الهيكل بتاع الصدر والاجنحه اتبقى
اوعى ترمى حاجه من الفرخه يا لينا ههههههه
(مسرحيه المتزوجون )

علشان هنعمل بيه شوربه نشيلها برضه فى علب او اكياس فى الفريزر لمابكون بعمل محشى بسقيه بيقه او للملوخيه برضه كله شغال بدل مرقه الدجاج

هناخد الاجنحه لوحدها
وبعدين نقطع كل جناح لوحده نصفين
وبعدين بسن السكينه الرفيعه
ونقوم ماسكين الجناح المكسور كده هههههههه حلوه الجناح المكسور دى
وننزل اللحم لتحت زى المصاصة
وبعدين نعمل كل الكميه
بحيث يكون الشكل نفس
المصاصه اواللولى بوب
وبرضه بشيل منها فى الفريزر جاهزه
وبعدين لفيها فى الفويل وحطيها تتسلق زى الفراخ العاديه جدا ولما تبرد حطيها فى البيض والبقسماط وحمريها فى الزيت وبألف هنا وشفا
وشكلها شيك قوى وبيلفت الاطفال
وهنا النصف التانى من الفرخه وهو الاوراك
بقطعهم برضه نصفين
علشان اشيل االدبابيس لوحدها للكنتاكى
والنصف الاخر من الفخد وهو الجزء العلوى
برضه بشيله لما بكون بعمل صينيه بطاطس ف الفرن بيبقى طعمها حلو قوى

ودى كانت نهايه الست فرخه المسكينه